സെൽഫീ

ഞാൻ മതി....ഞാൻ മാത്രം..........

ഓണം

'അല്ല,ഇപ്രാവശ്യത്തെ ഓണമൊക്കെ എങ്ങനെയുണ്ടായ്ര്ന്നു ?!'
"ഒന്നും പറയേണ്ടന്നെ,മൊത്തം  അടിച്ചു പൊളിച്ചു !"
'അപ്പോ പൂക്കളമൊക്കെ ഇട്ടല്ലേ?'
"ഏയ്‌,രാവിലെ മോഹൻലാലിൻറെ ദ്രിശ്യമുണ്ടായ്ര്ന്നു ഏഷ്യാനെറ്റിൽ,മുന്പ് കണ്ടതാണ്,എന്നാലും ഒന്നൂടെ കണ്ടു!"
'സദ്യ  ഭാര്യ തന്നെയല്ലേ ഉണ്ടാക്കിയത് ?'
"അതൊക്കെ പാർസൽ വന്നില്ലേ!പിന്നെ ഊണു സമയത്ത് ഓണം സ്പെഷ്യൽ ഷോ ഉണ്ടായ്ര്ന്നു,അതുകൊണ്ട്  സാമ്പാറിന്റെ എരിവൊന്നും പ്രശ്നമായില്ല "
'വൈകുന്നേരം ബന്ധു വീട്ടിലൊക്കെ പോയോ?'
"എങ്ങനെ പോകും?മമ്മൂട്ടിയുടെ പുതിയ സിനിമ കൈരളിയിൽ ഇല്ലേ,അവസാനമയപ്പോയെക്കും കറന്റ്‌ പോയി,അതാണ്‌ ആകെയുള്ള ഒരു വിഷമം ..."

ഫ്ലെക്സ് മാനിയ !

'

മകൾക്ക് ക്ലാസ്സ്‌ ടെസ്റ്റിൽ ഒന്നാം സ്ഥാനം കിട്ടിയിട്ടുണ്ടത്രേ ' വീട്ടിൽ നിന്നും ഭാര്യയുടെ ഫോണ്‍.ഓഫീസിൽ നിന്നും ഞാൻ നേരത്തെ ഇറങ്ങി തൊട്ടടുത്തുള്ള ഫ്ലെക്സ് കടയിലേക്ക് കയറി.മകളുടെ ഫുൾ സൈസിലുള്ള ഫ്ലെക്സ് 5-6 എണ്ണം അടിപ്പിച്ചു. വീടിനു മുന്നിലും അവളുടെ സ്കൂളിലും അങ്ങാടിയിലും തൂക്കാൻ!

പ്രാഥമിക കർമം

അതിരാവിലെ വീടിൻറെ വാതിൽ പൂട്ടി ഞാൻ പുറത്തിറങ്ങി.ആളൊയിഞ്ഞ ഒരിടം കണ്ടിരുന്നെങ്കിൽ ആ കാര്യമങ്ങ് സാധിക്കാമായിരുന്നു.ഒഴിഞ്ഞ പരമ്പുകളിലെല്ലാം ഇരുനില മാളികകൾ വരുന്നതിൽ ഞാൻ പരിഭവിച്ചു.പണ്ട് വീടിനു തൊട്ടടുത്ത പറമ്പിൽ ഏത് സമയവും സൗകര്യമുണ്ടായിരുന്നു.ഇപ്പോൾ അവിടെയും വീടായി.
 നടന്നു  നടന്ന് കടപ്പുറത്തെതിയതറിഞ്ഞില്ല .'ഭാഗ്യം,ഇവിടെങ്ങും ആരുമില്ല'.എന്റെ കൈയ്യിലുണ്ടായിരുന്ന സഞ്ചി അവിട്ട്ടു ധൃതിയിൽ ഞാൻ തിരിഞ്ഞ് നടന്നു.

അക്കങ്ങൾ

ഇന്നലെ വരെ എനിക്കൊരു മകനുണ്ടായിരുന്നു.അവനൊരു പേരുണ്ടായിരുന്നു.ഇന്നവൻ പത്രങ്ങളിലെ ഒരക്കം മാത്രമാണ് .യുദ്ധത്തിൽ കൊല്ലപ്പെട്ട 1037ാമൻ  .

അസഹിഷ്ണുത

തിരക്കുള്ള റോഡ്‌ മുറിച്ചു കടക്കുവാൻ അയാൾ നന്നേ പാട് പെട്ടു ."ആളുകൾ വഴി നടന്നിട്ട് വാഹനങ്ങൾക്ക് പോയാൽ പോരെ?"അയാള് മനസ്സിലോർത്തു .
റോഡ്‌ മുറിച് കടന്നു അയാൾ കാറിൽ കയറി.ഡ്രൈവിംഗ് ആസ്വതിച്ചു പോകവെ മുന്നിലതാ 2 സ്കൂൾ കുട്ടികൾ.അയാള് കാർ സഡൻ ബ്രെകിട്ട് നിരത്തി.നിർത്തി .കുട്ടികൾ കാറിനു മുന്നിലൂടെ റോഡ്‌ മുറിച്ചു കടന്നു.
"നാശങ്ങൾ,ഇവയ്ക്കൊക്കെ  വാഹനങ്ങൾ പൊയിട്ട് പോയാൽ പോരെ..."അയാള് മനസ്സിൽ പിറുപിറുത്തു.

ഡോക്ടർ

 പഠിക്കുമ്പോൾ എന്റെ ലക്ഷ്യം വേദനിക്കുന്ന,ദുഖിക്കുന്ന രോഗികളുടെ സന്ത്വനമായിരുന്നു.പക്ഷെ ഇപ്പോൾ എന്റെ മുന്നിലിരിക്കുന്നത് അഞ്ഞൂറിന്റെയും ആയിരത്തിന്റെയും നോട്ടുകെട്ടുകലാണ്.അതുകൊണ്ട് തന്നെ ഞാനിന്നൊരു അറിയപ്പെടുന്നൊരു ഡോക്ടർ ആണ് .

അടുപ്പ്

എന്റെ എഴുത്തുകൾക്ക് ആളിപ്പടരുവാനുള്ള ശേഷിയുണ്ടെന്നു   ഞാൻ പറഞ്ഞെങ്കിലും ആരും വിശ്വസിച്ചില്ല.അവസാനം അടുപ്പിൽ വിറകായി കത്തിച് എന്റെ ഭാര്യ തന്നെ അത് തെളിയിച്ചു!

സുരക്ഷ

ജനിക്കും മുൻപെൻ പെണ്‍കുഞ്ഞ് ബലാൽസംഗം ചെയ്യപ്പെടാതിരിക്കണം ...
അതിനെൻ ഭാര്യ തൻ പേറങ് ചൊവ്വയിൽ  ആക്കി ഞാൻ.......

പരിഹാരം

ഇന്ന് ലോകം നേരിടുന്ന പല പ്രശ്നങ്ങളുടെയും പരിഹാരം എനിക്കറിയാം.പക്ഷെ ,എൻറെ പ്രശ്നങ്ങൾ ഞാൻ ആരോടു  പറയും....?

പക്വത

പക്വതയെതിയെന്ന് തോന്നിയപ്പോൾ ഞങ്ങൾ രജിസ്റ്റർ മാര്യേജ് ചെയ്തു.
കൂടുതൽ പക്വതയെതിയെന്ന് തോന്നിയപ്പോൾ ഡിവോര്സും 

ഓഫർ !!

ഓണം പ്രമാണിച്ച് പകുതി വിലക്ക് ടി.വി കിട്ടുമത്രേ...!!
ബാങ്കിൽ നിന്ന് ലോണ്‍ എടുത്ത്  ഞാനും ഒരെണ്ണം വാങ്ങി.
വീട്ടിൽ കറന്റ്‌ connection ഇല്ലാത്തതിനാൽ പെട്ടി ഇത് വരെ തുറന്നിട്ടില്ല.

ആവർത്തനം

ചാരുകസെരയിലുരുന്ന് അയാൾ അന്നത്തെ പത്രം നിവർത്തി .രണ്ട് വാഹനാപകടം ,മൂന്ന് ബലാല്സംഗം ,അഴിമതി ....ഒരു നിർവികാരതയോടെ അയാൾ പത്രം മേശയിലേക്ക് എറിഞ്ഞു  ,കസേരയിലേക്ക് കൂടുതൽ ചാഞ്ഞിരുന്ന് ആരോടെന്നില്ലാതെ പറഞ്ഞു"എല്ലാം ഒരു ആവർത്തനം മാത്രമാണ് ...."